Bydd y prosiect hwn yn cefnogi gwyliau a digwyddiadau ym Mhowys ac yn rhoi cymorth hanfodol iddynt, cyfleoedd i rwydweithio a chyllid a fydd yn caniatáu iddynt gael y gorau allan o’u digwyddiad o ran y rhai sy’n arddangos ac ymwelwyr. Darperir cymorth yn y ffyrdd canlynol:

1. Rhwydweithio – adnodd ar-lein a fydd yn caniatáu i grwpiau drafod a rhannu enghreifftiau o arfer gorau, lawrlwytho rhestrau o gyflenwyr lleol gwasanaethau technegol, arddangoswyr a chymorth, cysylltu â swyddogion perthnasol yn yr Awdurdod Lleol, lawrlwytho ffurflenni cais am gyllid a lawrlwytho templadau perthnasol e.e. asesiadau risg.
2. Cyllid – Drwy Gronfa Fenter – bydd trefnwyr digwyddiadau yn gallu cyrchu at gyllid i ddatblygu ffyrdd newydd o farchnata, hyrwyddo a chefnogi eu digwyddiad.
3. Creu adnoddau a throsglwyddo gwybodaeth – cynigir cyfres o seminarau i grwpiau ar bynciau fel marchnata, cysylltiadau cyhoeddus, trwyddedu, rhestrau gwirio digwyddiadau a pharatoi bwyd. Ni fydd y sesiynau hyn yn ddigwyddiadau hyfforddi, ond byddant yn rhoi cyfleoedd i drefnwyr digwyddiadau rannu arfer gorau o ran datblygu a rheoli digwyddiadau i sicrhau bod digwyddiadau a gwyliau a gynhelir ar draws Powys yn gwneud y gorau o’u potensial economaidd

Anogir grwpiau a gefnogir gan y prosiect i edrych ar effaith gymdeithasol, economaidd ac amgylcheddol eu menter er budd yr economi ehangach a chynaliadwyedd y sir.