Bydd Cysylltiadau Powys Connections yn helpu microfusnesau a mentrau cymdeithasol i ddatblygu TGCh arbenigol yn eu busnesau. Mae gweithgareddau’r prosiectau’n cynnwys:
- Cynnig arolwg busnes TGCh i bob busnes sydd wedi cofrestru ar y prosiect. Bydd ymgynghorydd yn gweithio gyda’r busnes gan gynnig cyngor a chymorth i ehangu’r defnydd o TGCh.
- Grant dirprwyedig ar gyfer prynu cymorth arbenigol i gyflwyno mesurau TGCh arbenigol (prynu gan ddarparwyr masnachol)
- Sesiynau blasu TGCh wedi’u teilwra’n arbennig ar gyfer anghenion gwahanol fentrau Powys. Bydd digwyddiadau codi ymwybyddiaeth yn defnyddio astudiaethau achos i ddangos manteision TGCh arbenigol.
Ymgeiswyr am y Prosiect
Micro-fentrau a mentrau cymdeithasol h.y. sefydliadau gyda hyd at 10 o weithwyr a throsiant llai na £1.4M.
Nid yw’r prosiect yn gallu cefnogi sefydliadau sy’n gweithio’n llwyr yn y sectorau sydd wedi’u heithrio o dan reoliadau cymorth gwladwriaethol yr Undeb Ewropeaidd megis amaethyddiaeth a choedwigaeth. Cysylltwch â Chysylltiadau Powys Connection am gyngor os ydych chi’n ansicr.
Cyllideb y Prosiect
Cyllideb y prosiect £479,826 (£256,712 nawdd gan yr UE a £223,114 nawdd cyfatebol).
Bydd 50% o nawdd grant ar gael (hyd at £1,500) i fusnesau er mwyn prynu cyngor arbenigol, cymorth gweithredu sydd ei angen (byddai’r gwariant cymwys yn arbenigol: cyngor, cymorth, meddalwedd, datblygu gwefan gynhwysfawr ayb). I fod yn gymwys am y grant hwn, rhaid i fusnesau gynnal arolwg a llenwi cais am grant.
Sut i ymgeisio
- Ymholiad a sgwrs gychwynnol rhwng yr ymgeisydd a staff y prosiect;
- Bydd Ymgynghorydd TGCh yn ymweld â’r busnes a chynnal arolwg TGCh.
- Ar ôl derbyn yr arolwg TGCh, gall fusnesau ddewis wneud cais am nawdd grant a chyflwyno’r cais;
- Staff/rheolwr y prosiect i wneud asesiad cyntaf o’r cais;
- Cyflwyno’r cais i, a’i asesu gan grwp llywio Powys.
Bydd y prosiect yn cymryd ceisiadau am gymorth a nawdd grant ar raglen dreigl tan fis Chwefror 2011.
- Cyflenwr y Prosiect: Powys County Council Economic and Regeneration Unit
- Cyfeiriad: Unit 2, Automobile Palace, Temple Street, Llandrindod Wells, Powys, LD1 5HU
- Cyfeiriad Ebost: ict.adviser@powys.gov.uk
- Rhif Ffôn: 0870 1923702
- Gwefan: http://www.powys.gov.uk/
