Bwriad y prosiect Adnewyddu Cymunedol yw datblygu cynllun grant dirprwyedig i gefnogi prosiectau sy’n seiliedig ar y gymuned sy’n hyrwyddo amcanion Llywodraeth Cynulliad Cymru - Mesur Adnewyddu Pentrefi. Y bwriad yw rhoi hwb sylweddol i ffyniant yr ardal trwy annog datblygu a gwella cyfleusterau pentrefi a seilwaith cymorth eraill, trwy fuddsoddi ar raddfa fechan.

Trwy weithredu lleol megis cynlluniau gwella bychain, gall grwpiau cymunedol gael effaith weledol ar gymunedau e.e. cynlluniau plannu, adnewyddu nodweddion hanesyddol lleol a chryfhau balchder cymunedol yn yr ardal. Bydd y prosiect yn cefnogi prosiectau cymunedol sy’n cyfrannu at wella cyfleusterau i’r bobl leol a’r economi leol trwy ystyried anghenion a dyheadau cymunedol. Gallai hyn gynnwys:

• Mân waith cyfalaf i wella mannau megis arosfannau bws, ardaloedd mwynderau ayb.
• Prosiectau dehongli ac arwyddion.
• Prosiectau bychain sy’n gwella’r dirwedd a’r amgylchedd naturiol.
• Astudiaethau dichonoldeb i gyfleusterau newydd.
• Prosiectau sy’n hybu bioamrywiaeth.
• Gwella cyfleusterau / asedau cymunedol sy’n cefnogi prosiectau i arallgyfeirio’r economi wledig.
• Gweithgareddau cymunedol sy’n hyrwyddo datblygu gwasanaethau ar y cyd.
• Prosiectau celf cymunedol sy’n ychwanegu at naws y lle.
• Digwyddiadau crefft cymunedol