Cynllun grantiau a mentora yw’r prosiect hwn gyda’r nod o roi help a chymorth i ficro Fasnachwyr ym Mhowys i arddangos eu cynnyrch mewn arddangosfeydd yn y DU. Mae’r Cynllun yn ddelfrydol i gwmnïau sydd â ‘chynnyrch’ i’w ddangos, ac nid dim ond ‘gwasanaeth’. Dyma gyfle gwych i sawl sector diwydiant, yn cynnwys peirianneg, crefftau, bwyd, gwneuthuriad a’r amgylchedd. Bydd cyfle iddynt ddangos beth sydd ganddynt i’w gynnig i gynulleidfa eang, ac yn y pen draw, i gynyddu trosiant trwy’r broses hon.

Y prif amcanion yw gwella sgiliau staff mewn busnesau bychain trwy gyngor a hyfforddiant, a chynnig cymorth ariannol i’w galluogi i fynd i sioeau masnach, ac i’r busnesau hynny i gynyddu trosiant a thyfu economi Powys. Mae ar gyfer ehangu microfusnesau gan roi cyfle i fentora a rhwydweithio.

Dywedodd ein Rheolwr Grwp, Bill Norris:

“Rwy’n falch iawn ein bod yn gallu cynnig y gwasanaeth newydd hwn. I fusnes bach, mae’r gost o ran amser ac adnoddau i fynd i arddangosfeydd yn gallu danto unrhyw un. Trwy gynnig cyngor arbenigol ar wneud yn fawr o’r buddsoddiad mewn amser, a thrwy helpu gyda rhan fawr o’r gost, mae’r Grant Arddangosfeydd yn ffordd wych o helpu cwmnïau masnachu bychain i dyfu eu busnesau.”