A oes gennych chi syniad am gynnyrch gwyllt neu wasanaeth gwyrdd ym Mhowys?
Ydych chi'n berchen ar ychydig o dir mawn yr hoffech ei adfer?
Mae Gwyllt a Gwyrdd yn anelu at hyrwyddo twf economaidd, cynaliadwy ym Mhowys drwy ddatblygu ystod o nwyddau a gwasanaethau ecolegol. Yn fwy penodol, bydd y prosiect yn cynnig cymorth ar gyfer ymchwil a datblygu cynhyrchion arloesol sy’n ychwanegu gwerth. Cyflawnir hyn drwy gydlynu, ymchwil a datblygu cynhyrchion a marchnata a hyrwyddo ar gyfer syniadau sy’n gwella bioamrywiaeth lleol, tirluniau a’r dreftadaeth naturiol ac yn helpu i liniaru effeithiau newid hinsawdd.
Gallai cyfleoedd gynnwys: harneisio cnydau traddodiadol sydd wedi eu hanghofio neu eu rhoi o’r neilltu o adnoddau naturiol confensiynol (porfa, coedlannau ac ati).
Gall cynhyrchion o’r fath fod yn gwbl newydd, neu gallant fod yn ailddarganfod defnyddiau hanesyddol i gynhyrchion gwyllt, er enghraifft:
- Roedd dail ysgaw yn cael eu defnyddio i gadw pryfed draw yn y cartref
- Rhisgl ffibraidd llwyfen ar gyfer cortyn a rhaffau
- Rhisgl ceirios gwyllt a danadl poethion i drin ceffylau
- Tecstilau wedi eu gwneud o ffibrau danadl poethion
Ymgeiswyr am y Prosiect
Unigolion, busnesau a grwpiau gwirfoddol/cymunedol a mentrau cymdeithasol hyd at raddfa mentrau micro (hyd at 10 o weithwyr). Yn fwy penodol, darparu cymorth a hyrwyddo syniadau am brosiectau cynaliadwy gan gynnwys:
- Helpu gyda marchnata cynhyrchion naturiol, gwyllt neu wyrdd ar gyfer busnesau sy’n bodoli’n barod.
- Ymchwil a datblygu i echdynion naturiol o blanhigion, ffyngau ac ati
- Y rhai hynny sy’n anelu at ychwanegu gwerth at gynhaeaf gwyllt a deunyddiau cynaliadwy lleol
Cyllideb y Prosiect
Cyllid y prosiect £30,355 (£19,223 fel arian parod; £11,122 o arian cyfatebol).
Felly bydd angen i ymgeiswyr llwyddiannus gyfrannu / rhoi cyfran o arian cyfatebol hyd at gyfran o gyfanswm costau’r prosiect. Penderfynir ar lefelau’r cyfraniadau o arian cyfatebol ar sail unigol, ond fel arfer byddant oddeutu 35-40%. Gall cyfraniadau arian cyfatebol fod fel arian parod neu fel cyfraniad mewn da o adnoddau eraill buddiolwyr (e.e. amser gwirfoddolwyr). Ond rhaid i gyfanswm costau’r prosiect gael ei gefnogi’n llawn gan dystiolaeth gydnabyddedig (derbynebau, amserlenni ac ati).
Sut i ymgeisio
- Ymholiad dechreuol a thrafodaeth rhwng yr ymgeisydd a’r swyddog prosiect;
- Cwblhau a chyflwyno argymhelliad y prosiect/ffurflen gais gan yr ymgeisydd;
- Asesiad rhagarweiniol o’r cais gan y Swyddog Prosiect/Rheolwr Glasu;
- Y prosiect yn cael ei gyflwyno i a’i asesu gan Grŵp Gweithredu Lleol Glasu (bwrdd llywodraethu) yn chwarterol yn dechrau yn Rhagfyr 08.
- Cyflenwr y Prosiect: Glasu
- Cyfeiriad: Unit 9 Antur Gwy, Park Road, Builth Wells, Powys, LD2 3BA
- Laura Shewring
- Cyfeiriad Ebost: laura.shewring@powys.gov.uk
- Rhif Ffôn: 01982 552224
- Gwefan: http://www.glasu.org.uk/
