Mae Cyfle i Greu yn gynllun grant dirprwyedig y bwriedir iddo gefnogi prosiectau newydd ac arloesol yn y celfyddydau neu ddiwydiannau creadigol gyda ffocws masnachol neu fusnes. Yn ychwanegol, mae Cyfle i Greu yn anelu at gefnogi prosiectau a all arddangos budd cymunedol ychwanegol drwy ysgogi gweithgaredd diwylliannol ac economaidd lleol ehangach.

Mae’r cynllun hwn yn cynnig cymorth grant cyfalaf a refeniw i brosiectau arloesol sy’n cysylltu creadigedd a masnach h.y. prosiectau sy’n seiliedig ar y diwydiannau creadigol neu gelfyddydau gyda ffocws busnes.

Rhaid i brosiectau cymwys fod o natur ddiwylliannol neu fod yn ymwneud â’r celfyddydau. Mae hyn yn cynnwys celfyddydau gweledol, celfyddydau perfformio, cerdd, llenyddiaeth, crefftau a chelf gymhwysol, dylunio, ffilm, cyfryngau newydd a phensaernïaeth.

Mae ystod y prosiectau a allai gael eu cefnogi gan y cynllun yn eang. Mae’r canlynol yn ddim ond ychydig o enghreifftiau o’r math o brosiectau a allai fod yn gymwys am gymorth o dan y grant hwn.

Nodwch fod yn rhaid i brosiectau cymwys fod yn seiliedig ar y celfyddydau neu’r diwydiant creadigol.

• Datblygu a/neu weithgynhyrchu cynhyrchion newydd
• Digwyddiadau newydd neu elfennau newydd o ddigwyddiadau sy’n bodoli’n barod
• Ymchwil marchnad, datblygu marchnata, treialon marchnata e.e. gwefannau neu ddefnyddio cyfryngau newydd
• Datblygu prosiectau dehongli o safbwynt diwylliannol
• Gwaith arbrofol
• Bwrsariaethau
• Prentisiaethau
• Lleoliadau busnes/ymchwil
• Arallgyfeirio busnes i faes y celfyddydau e.e. gwesty yn datblygu oriel neu fferm agored yn cynnal arddangosfa gan artist preswyl
• Prosiectau TGCh a chyfryngau newydd gyda ffocws creadigol e.e. cynhyrchu a dosbarthu cerddoriaeth neu ffilm ar y we
• Recordio deunydd newydd i’w werthu