Bydd prosiect Taste of Powys/Blas ar Bowys yn darparu cymorth wedi ei deilwrio, cyngor a marchnata generig ar gyfer busnesau bwyd micro newydd a rhai sy’n bodoli’n barod (rhai heb fod yn amaethyddol) ym Mhowys. Bydd y prosiect yn rhoi’r sgiliau a’r wybodaeth angenrheidiol i fusnesau bwyd micro ym Mhowys fynd i mewn i, goroesi a ffynnu mewn sector hynod gystadleuol.
Bydd elfennau i gyflenwi’r prosiect hwn yn cynnwys:
- Gwefan cyfarwyddiadur bwyd dwyieithog Powys a chynlluniau cysylltiedig i hyrwyddo’r gwaith
- Gwybodaeth am y farchnad ac ymchwil i gyfleoedd busnes ar gyfer micro fusnesau
- Cymorth ar gyfer marchnata cydweithredol a gweithgareddau codi ymwybyddiaeth
- Dull o hwyluso rhwydweithiau busnes a rhannu gwybodaeth drwy ddigwyddiadau anffurfiol a ffurfiol a’r defnydd o systemau TGCh
Ymgeiswyr am y Prosiect
- Mentrau micro sy’n bodoli’n barod a rhai sy’n dechrau o’r newydd (gyda rhwng 1 a 10 o weithwyr) yn y sector bwyd, gan gynnwys teuluoedd ffermio sydd wedi arallgyfeirio sy’n cynhyrchu cynnyrch gyda gwerth ychwanegol
- Merched
- Pobl ifanc
- Rhai dros 50 oed
- Cymunedau sy’n siarad Cymraeg
Cyllideb y Prosiect
Cyfanswm cyllideb y prosiect £146,377 (£111,920 fel arian parod; £34,457 fel arian cyfatebol gan y sawl sy’n ei dderbyn).
Bydd angen i ymgeiswyr llwyddiannus ddarparu cyfran o gyfanswm costau’r prosiect. Penderfynir ar lefelau gwirioneddol y cyfraniadau o arian cyfatebol fesul prosiect, ond byddant fel arfer oddeutu 30%. Gall cyfraniadau o arian cyfatebol fod fel arian (e.e. treuliau y telir amdanynt eu hunain) neu fel cyfraniad mewn da (e.e. amser gwirfoddolwyr). Ond rhaid i gyfanswm costau’r prosiect gael ei gefnogi’n llawn gan dystiolaeth gydnabyddedig (gan gynnwys derbynebau, taflenni amser ac ati).
Sut i ymgeisio
- Ymholiad dechreuol a thrafodaeth rhwng yr ymgeisydd a’r swyddog prosiect;
- Cwblhau a chyflwyno argymhelliad y prosiect/ffurflen gais gan yr ymgeisydd;
- Asesiad rhagarweiniol o’r cais gan y swyddog prosiect/rheolwr Glasu;
- Cyflwyno ac asesu argymhellion gan Grŵp Gweithredu Lleol Glasu (Bwrdd Llywodraethu) yn chwarterol, gan ddechrau ym mis Rhagfyr 08.
- Cyflenwr y Prosiect: Glasu
- Cyfeiriad: Unit 9 Antur Gwy, Park Road, Builth Wells, Powys, LD2 3BA
- Cyfeiriad Ebost: elizabeth.morrison@powys.gov.uk
- Rhif Ffôn: 01982 552224
- Gwefan: http://www.glasu.org.uk/
